قصة ايمان

إيمان بنت صغيرة في أولى ابتدائي وليها أخوها كيرلس وكان تعبان جدا
البيت غم ونكد كيرلس سخن ومولع الأب هيتجنن والأم تعيط وإيمان زعلانة ومش فاهمة حاجة
الدكتور وصل كشف على كيرلس
الدكتور: حقيقي أنا مش عارف أقولكم إيه لازم عملية خلال 24 ساعة ابنكم بيعاني من مرض مزمن في القلب
الأب:عمليه ؟ امتى ؟
الأم: نهار اسود عملية هو الواد يستحمل العملية؟
الأب: وتتكلف كام؟
الدكتور: أولا العملية خطيرة ولازم مستشفيات محددة
ثانيا تتكلف20 ألف جنيه
ثالثا فعلا في خطورة على حيات ابنكم ربنا معاكم وبلغوني الرد بسرعة والدواء ده مؤقت
الدكتور قال كده ومشى بس بعد ما رمى قنبلة العملية
الأب: يا رب لطفك
الأم: يا عدرا
الأب :منين أجيب المبلغ ده؟؟؟
الأم :أتصرف يا خويا الواد هيضيع
الأب: منين اسرق
الأم:لازم معجزة تحصل يا أم النور اعملي معجزة
الأب : دواه يا رب معجزة
الأم: ايوة يارب دواه هو معجزة
إيمان البنت الصغيرة مش مدركة صعوبة الموقف بس عرفت وسمعت إن دواء أخواها معجزة
إيه؟؟
قررت إيمان الطفلة إنها تساعدهم دخلت غرفتها بسرعة دورت على الفلوس اللي معاها لقت2.5 جنيه
أخذتهم ونزلت جرى على اقرب صيدلية دخلت الصيدلية اللي على أول الشارع لقت الدكتور بتاع الصيدلية بيكلم زبون ومهتم بيه جدا ولما دخلت إيمان ما اهتمش بوجودها إيمان وقفت 10دقائق والدكتور بتاع الصيدلية مش سأل فيها
إيمان: يا دكتور أنا واقفة مش شايفنى؟
الدكتور: شوية لو سمحت
إيمان: أنا عاوزة دواء
الدكتور: وبعدين يعنى ؟ حاضر
إيمان: هو أنا علشان صغيرة مش سال فيا بكرة اكبر وأكون دكتورة زيك ممكن بقه تخلصني ضحك الدكتور والزبون ههههههههههههه
إيمان : وكمان بتضحك أنا اخويا تعبان
الدكتور اهتم وقال : وانتى بقه عاوزة دواء إيه ؟
إيمان: أنا عاوزة دواء اسمه........ معجزة
الدكتور:نعم!!!!!!!!!!؟ معجزة لا يحبيبتى ما فيش

إيمان: لو سمحت دور في وسط الأدوية بابا قال دواء كيرلس معجزة
الدكتور: يا حبيبتي ما فيش دواء اسمة معجزة اصل كلمة المعجزة هي............ .وقطعه الزبون
الزبون: اسمك إيه يا شاطرة
إيمان :هو أنا نقصاك
الزبون: كده برده
إيمان: يا عمو اخويا تعبان وماما وبابا بيعيطوا
الزبون: طيب أخوكى ده عيان بيه؟
إيمان: مش عارفة هو أنا كبيرة؟
الزبون: طيب معاكى كام؟
إيمان:2.5جنيه
الزبون: طيب هاتى الفلوس
إيمان: يا عمو أنت هتجيبلى معجزة؟
الزبون: ربنا يسهل ربنا كبير
إيمان: طيب هو بعيد عن هنا؟؟؟؟؟؟؟
الزبون: انتم ساكنين فين؟
إيمان : في الشارع ده وصفت المكان
++
عجبا للإيمان الزبون يطلع دكتور كبير مدير قسم في مستشفى تخصصي وعمل العملية لكيرلس تبرع منه في المستشفى بتعته
+++
الأب: مش عارفين نقولك إيه يا دكتور ده أنت عملت فينا معروف كبير
الأم: ربنا يخليك للغلابة ويستر طريق مش عارفين أزى كنا ممكن ندفع حق العملية
الدكتور ضحك وطبطب على إيمان وقال: هي دفعت فعلا الحساب
الأب والأم : أزى؟؟؟؟؟؟؟؟؟؟؟؟؟؟؟؟؟؟؟؟
إيمان : ايوة دفعت2.5 جنيه
ضحك الكل ههههههههه