يوم 22 يوليو 1998 .... ذهبت لسفارة كندا لاستخراج التاشيرة ... كنت رايح السفارة وانا بابرطم لانى مش عايز اسافر !!! شاء الرب انها تقعد فى الكرسى اللى قدامى .. راهبة شابة ..وجدير بالذكر انها جميلة جدا ....لحسن حد يفتكر انها لما مالقيتش حد يبصلها ...راحت الدير ..! وشها منور بنور عجيب ومليانة نعمة!.. لفت نظرى ان فى انفها خرطوم متوصل بانبوب اوكسجين!!!! ففهمت ان عندها مشكلة فى التنفس ... سبحانك يارب!! شوية الهواء اللى مالوش قيمة .. حرمتها منه .. وكده يبتسم وراضية!!
ده كان اول شاكوش يستخدمه الرب فى الدق على دماغى وابتديت اخجل من نفسى.. وبعد شوية نادوها فى حجرة المقابلة الشخصية... وقامت من كرسيها... واذا بالشاكوش التانى يدق على دماغى!! الراهبة بتعرج!! حسيت انى هاموت واعرف هيه مبتسمة وراضية بامارة ايه!!!! دى كلها امراض!! لقيت ابليس بيحاول يحلق على تفكيرى وبيقوللى: غالبا هية عشان بتعرج ... راحت الدير !!!
قلت له: ولنفرض ان الكلام دا مظبوط .. وانها فعلا مالقيتش حد يتجوزها .. تروح الدير وهيه واخده على خاطرها من ربنا !!! ومش وهي بتضحك!! استنيت لما خرجت ورجعت لمكانها ... وكل ما استجمع شجاعتى علشان اروح اسالها : انتى جبتى ابتسامة الرضى دى منين !!!!!!!! ابليس يقوللى : اوعى تروح سيبها فى حالها اللى فيها مكفيها!! لان ابليس كان عارف قد ايه الراهبة دى حياتها غيرت حياة ناس كتير ... فكان خايف لحسن اطير من ايده! لكن... بعد دقايق لقيتها قامت وجت تكلمنى بنفسها وسالتنى : عندك فكرة التاكسى من هنا لغاية كنيسة العذراء بالزيتون ياخد كام؟
انا بصراحة .. ما صدقت! وقلت لها: لا ماعرفش,,, لكن يشرفنى انى اوصلك!! وقد كان .. اول ما ركبنا العربية .. سالتها عن كل اللى عايز اعرفه واللى عايز افهمه.. ومافيش حاجه قالتها ماكنش ليها تاثير الصفعة على خدى!! اول حاجة نفسى اعرف هيا مولودة بتعرج ؟ ولا ايه الحكاية؟ فقلت لها سلامتك ! .. انا شايف ان رجلك وجعاكى! خير !
بذكاء شديد فهمت القصد من سوالى! ابتسمت وقالت لى : مين اللى ضحك عليك وقال لك ان ربنا معلق يافطة على باب السما .. مكتوب عليها: ( لااقبل الا المعيوب .. والمعطوب.. واللى جار عليه الزمن ) مين فهمك ان السليم والناجح والحلو مش محتاجين لربنا!!! ده مفش حاجة مسنودين عليها مضمونة!! السليم مش شرط انه يصاب بالسرطان عشان يموته بالعكس.. دى الناس اللى بتشفى من السرطان اكتر من الناس اللى بتدخل تنام متقموش! لان فيه حاجة اسمها السكتة القلبية ممكن تقضى عليه فى لحظة!
يفاجئهم هلاك بغته .. كالمخاض للحبلى فلا ينجون 1تس 5:3 * والناجح ممكن يخسر كل ما يملك فى دقايق ! زى ايوب! الرب اعطى والرب اخذ فليكن اسم الرب مباركا ايوب 1: 21 * والحلو .. نزلة برد كافيه انها تخللى القرد احلى منه! الحسن غش والجمال باطل ام 31: 29 الانسانة دى كانت صحتها جيدة جدا لا بتعرج ولا عندها اى مشاكل صحيه .. بعد ما انتهت من دراستها الجامعيه .. وبعد ما تمت خطبتها لشاب مومن .. صلت وقالت له يارب يسوع .. انت بتحبنى لدرجه انك اتصلبت بدالى ومت عشانى... مش كتير عليك انى اعيش عشانك واديلك صحتى وشبابى تستخدمهم لمجد اسمك! .. وفكت خطبتها وراحت الدير.... قاطعتها وقلت لها: بس الانسان ممكن يخدم ربنا وهو متجوز وعنده اولاد .. وممكن ربنا يستخدمه وهو بيشغل ... مش شرط انى اروح الدير واترهبن!
وبعدين انا مش مقصر مع ربنا فى الاعمال الخيرية! .. ده انا بادفع...
- قاطعتنى هيا وقالت لى : ماتكملش! هاقول لك كلمة بين قوسين وافهمها زى ما تفهمها لان ربنا مش شاغلنى انى اناقشك فيها دلوقتى : ربنا عايزك قبل ما تحط ايدك فى جيبك وتديله فلوسك تحط ايدك فى عبك وتديله قلبك!
لان فلوسك هيه فلوسه .. معقول هتراضيه بفلوسه! ده غير ان انت لو كنت فى احتياج للفلوس دى .. مكنتش هاتديهاله اصلا.. عشان للاسف .. الناس مش عايزة تدى لربنا غير الشىء اللى مالوش عوزة عندها !!!
ده كان اول شاكوش يستخدمه الرب فى الدق على دماغى وابتديت اخجل من نفسى.. وبعد شوية نادوها فى حجرة المقابلة الشخصية... وقامت من كرسيها... واذا بالشاكوش التانى يدق على دماغى!! الراهبة بتعرج!! حسيت انى هاموت واعرف هيه مبتسمة وراضية بامارة ايه!!!! دى كلها امراض!! لقيت ابليس بيحاول يحلق على تفكيرى وبيقوللى: غالبا هية عشان بتعرج ... راحت الدير !!!
قلت له: ولنفرض ان الكلام دا مظبوط .. وانها فعلا مالقيتش حد يتجوزها .. تروح الدير وهيه واخده على خاطرها من ربنا !!! ومش وهي بتضحك!! استنيت لما خرجت ورجعت لمكانها ... وكل ما استجمع شجاعتى علشان اروح اسالها : انتى جبتى ابتسامة الرضى دى منين !!!!!!!! ابليس يقوللى : اوعى تروح سيبها فى حالها اللى فيها مكفيها!! لان ابليس كان عارف قد ايه الراهبة دى حياتها غيرت حياة ناس كتير ... فكان خايف لحسن اطير من ايده! لكن... بعد دقايق لقيتها قامت وجت تكلمنى بنفسها وسالتنى : عندك فكرة التاكسى من هنا لغاية كنيسة العذراء بالزيتون ياخد كام؟
انا بصراحة .. ما صدقت! وقلت لها: لا ماعرفش,,, لكن يشرفنى انى اوصلك!! وقد كان .. اول ما ركبنا العربية .. سالتها عن كل اللى عايز اعرفه واللى عايز افهمه.. ومافيش حاجه قالتها ماكنش ليها تاثير الصفعة على خدى!! اول حاجة نفسى اعرف هيا مولودة بتعرج ؟ ولا ايه الحكاية؟ فقلت لها سلامتك ! .. انا شايف ان رجلك وجعاكى! خير !
بذكاء شديد فهمت القصد من سوالى! ابتسمت وقالت لى : مين اللى ضحك عليك وقال لك ان ربنا معلق يافطة على باب السما .. مكتوب عليها: ( لااقبل الا المعيوب .. والمعطوب.. واللى جار عليه الزمن ) مين فهمك ان السليم والناجح والحلو مش محتاجين لربنا!!! ده مفش حاجة مسنودين عليها مضمونة!! السليم مش شرط انه يصاب بالسرطان عشان يموته بالعكس.. دى الناس اللى بتشفى من السرطان اكتر من الناس اللى بتدخل تنام متقموش! لان فيه حاجة اسمها السكتة القلبية ممكن تقضى عليه فى لحظة!
يفاجئهم هلاك بغته .. كالمخاض للحبلى فلا ينجون 1تس 5:3 * والناجح ممكن يخسر كل ما يملك فى دقايق ! زى ايوب! الرب اعطى والرب اخذ فليكن اسم الرب مباركا ايوب 1: 21 * والحلو .. نزلة برد كافيه انها تخللى القرد احلى منه! الحسن غش والجمال باطل ام 31: 29 الانسانة دى كانت صحتها جيدة جدا لا بتعرج ولا عندها اى مشاكل صحيه .. بعد ما انتهت من دراستها الجامعيه .. وبعد ما تمت خطبتها لشاب مومن .. صلت وقالت له يارب يسوع .. انت بتحبنى لدرجه انك اتصلبت بدالى ومت عشانى... مش كتير عليك انى اعيش عشانك واديلك صحتى وشبابى تستخدمهم لمجد اسمك! .. وفكت خطبتها وراحت الدير.... قاطعتها وقلت لها: بس الانسان ممكن يخدم ربنا وهو متجوز وعنده اولاد .. وممكن ربنا يستخدمه وهو بيشغل ... مش شرط انى اروح الدير واترهبن!
وبعدين انا مش مقصر مع ربنا فى الاعمال الخيرية! .. ده انا بادفع...
- قاطعتنى هيا وقالت لى : ماتكملش! هاقول لك كلمة بين قوسين وافهمها زى ما تفهمها لان ربنا مش شاغلنى انى اناقشك فيها دلوقتى : ربنا عايزك قبل ما تحط ايدك فى جيبك وتديله فلوسك تحط ايدك فى عبك وتديله قلبك!
لان فلوسك هيه فلوسه .. معقول هتراضيه بفلوسه! ده غير ان انت لو كنت فى احتياج للفلوس دى .. مكنتش هاتديهاله اصلا.. عشان للاسف .. الناس مش عايزة تدى لربنا غير الشىء اللى مالوش عوزة عندها !!!
المشاركات
ليست هناك تعليقات:
إرسال تعليق